| 個人檔案¤*~ˆ° almasah °ˆ~*¤相片部落格清單 |  工具  說明 |
|
|
¤*~ˆ° almasah °ˆ~*¤إِنِي فِي حَنِينٍ إِلَيْكِ يِا أُمِي 24 November حكايتي مع الليسنالسلام عليكم يا حلوين
 طبعا كح كح من الغبار الي في سبيسيخبركم يعني كبرت وخذت الليسن من زماان من تاريخ 27/3/2008
 الله يسلمكم يعني صارت لي قصة ظريفة حلوه نفسكم يوم التراي دخلت الا مرور بدخل وياي التراي قلت خوووش فله .. طبعا يعني هو دب كتيير بس ما عليشوركبت سيارة المرور واستعديت حق الإمتحان الي اخاف منه أكثر من امتحان الجامعه
 وانطلقت بالسياره >> ركزو على انطلقت هاسألني المرور كبدايه تعارف يعني وانسجام خبركم يعني اذا مرورة ما تصير الا كأنها ضفدعة
ودار الحوار التالي
المرور : شسمج
البطه الي اهي اني : فاطمة
المرور : حيالله فاطمة انتي من وين ؟!
البطه : داركليب
المرور : اووه شخباار مطاعمكم
 البطه : بخير الحمدلله يسألون عنكالمرور : سألت عنهم العافيه ، عندكم مطعم عجيب اسمه بوابة القريه
البطه : اي اعرفه
 المرور : يبيع سندويجة اسمها " طابوقة " بنجحج في التراي بس جيبي لي وحدهالبطه : والله ما تشرفت بمعرفتها
 ، انت نجحني يبصير خيرودار حديث طويل عن البابا والماما لين وصلنا لي هوون
المرور : ليش تبين تنجحين
البطه : علشان يستانس ابويي
المرور : يعني اشفيها لو رسبتي مو امتحان جامعه هذا
البطه : لا فيها ،ابي انجح
المرور: يعني ابوج بعصب عليج
البطه : لاا بس بتضايق
عندها وصلنا وكملت الإمتحان واحنا في السياره
المرور: اخذي انتي راسبه
البطه والدمعة في عيونها
 : ليش عااد ما غلطتالمرور : اخذي الدفتر عاد ذبحتيني ناجحه ناجحه ههههه
ونزلت من السياره و كأني حمامة بطير من الفرحة ..واخيراً خذت الليسن في ثالث تراي يعني يعني هو فشلة بس احسن من العاشريلا اجوفكم على خير يا حلوين
Ba6aH
27 December .»!_¤ آخر المواقف ¤_!«.
هــاي .. هــلا .. ســلام
(احــم احــم .. وسعــو الطريــج .. شيــخة البنــات وصلـــت >> اكيد تعرفون المثل الي يقول( مداح نفســه يبيــله بــوسة
اليــوم وبعــد مرور وقــت طويــل ييــت انــزل موضــوع يديــد
وبحــط لكــم ابــرز المــواقف إلــي صــارت لــي
علــى اللــه تستانــون معــاي
اولا : صــار عندنــا شلال بالبيــت وطبعا طبعا الفنان ابــوي مسويــه وصرنــا لين قعدت اطـالع كأنــي قاعده بشــمال ايـران احم احم .. خبركم حب الطبيعه وما يسوي ..
ومن الخرعه صرنا وقت الغذا نتغذى يمه
 ثانيــا : في مــرة واحنــا قاعديــن نتغذى اختي مريم سألت اختي الصغيره وديعه
how old are u ?
جاوبتها ودووع اختي وقالــت ستيييييييجر هاهاهاهاها
وقلبت الــغذا الى ضحــك
ثالثا : في مرة في حصة البدن كــان عندنــا جري وآنه اركض ما اشوف الا
احم طيحه على ويهــي وانقلب ويهــي احمر على اخضر على أزرق من زوود الفشله ..
رابعا : مرة كنــا رايحــن ننزل البروجكتر في المدرسه تحت عااد آنه وربعي حملنا البروجكتر وركبا .. المصعد احم احم عربيه فصحى
وبعدين لما ننزل طلعو ثنيتينهم وآنه بطلع الا ينصك علي باب اللفت وبدل ما يخافو علي البط قلبو المدرسه ضحــك اهئ اهئ اهئ
خامســا : في مرة من المرات لما كنا ناكل في الفسحه كانــت في بنــت قاعده على السور الي يحيط بالحديقــه وفجأه حدثت الكارثة .. واهي قاعده طاحت على ورا وتقلبت في الحديقه هيههيهيهي
سادســا : حسين اخووي تعرفونه دب هههههههههه في مره ياي وقاعد ويقول انا ابو دبه اناابو دبه
ابووي عصب عليه الا يقول ليه ليش تقول عن روحك جذي الا يقوول راعي الباص يقول لي ابوووو دبه هههههههههههههههههههههههههه
سابعــا : في مرة من المــرات وبينما كــان اخي محــمدا جالســا على كرسي الكمبيوتر ومسندا ظهره بقوة الى ظهر الكرسي حيث انه قاام بالتمغط هههههههههههههههه ما نشووف الا طخ على وراا وآنه صرت اضحك واضحكك مااشوف الا الضرب يايني ليييش تضحكيين ؟؟ هاهاهاهاهاي
ثامنا : اكيد تعرفوون المغناطيس الي طالع الحين اثنين يلقفونهم مع بعض ولما يرحون في الهواء يسووون ززززززززز
هههههههههه في مره وآنه قاعده على جهاز الكمبيوتر يت زينب اختي واهي تسوي بالمغناطيس زززززز وتقربه من شاشه الكمبيوتر ماا شوف الا انقلبت الشاشه اخضر على ازرق على بنفسجي وتخرعت آنه عبالي بنفجر علي الجهااز خخخخخخخخخخخخخخخخخخخخخخخخخخ
تاسعا : البابا صــار مسؤووول بالشغل وطبعا حصل سياره يديده وتلفون اضافه الا 300 دينار مكافأه ومداليه ذهب احم احم ترجع بالسلامه يا الغالي >> ترى البابا مسافر بيت الله للحج
عاشرا : مو كأني عورت راسكم .. خخخخخخخ
وانتهت الحتوته
البطه : الماسه
 7 December حنينٌ لا ينتهيبسمــ مجمع القلوب
هااي شخباركم .. شمسوين .. عساكم بخير..
عارفه ان مساحتي صارت مغبره .. مريت اليوم انظفها من الغبرة
وفي هاللحظة كتبت هالخاطره لإنسانه لما اموت ما رح انساها .. لإنسانه هي روحي .وكل حياتي .. واهي امي الغاليه ..
في كل مكان اشوف الكل يقول امي كانت قاسيه علي وامي ما تحبني وامي سوت جذي .. اهني عرفت ان ما نحس بقيمة الشي الا لما نفقده .. وناس وايد قالو مع مرور الايام رح ننسى وبتكون امي ذكرى .. لكنها ابد ما رح تكون ذكرى . اهي روح ما زالت تعيش معانا .. ويشهد الله ان من راحت ما غاب يوم ولا لحظة الا اهي على بالي وكانت دمعتي في عيوني ..
وإليكم الخاطره ولنقل انها رسالة الى امي
حيــن فتحت نافذة تطل على قبرك .. أتتني نسمه هواء عليله حركت ما بداخلي ..
وشعرت كأنها روحا تمسح علي .. وتقول كفى حزنا يا صغيرتي
امــاه أعلــم انك في ارض الخلــود ..تأتين يوميا لتطمأني على اطفالك ..
ولتريهم بسلام .. أطمأني غاليتي فالله يرعانا دائما
غاليتي .. كم أنــا بحاجة إليكِ وإلى صدركِ الدافئ
قد ذهب على رحيلك الآن سبعة اشهر .. ولكنك ما زلت بيننا ملاكٌ على هيئة بشر ..
تمر في خاطري صورتك وانت مغطاة لبساك الأبيض .. وتفوح منك رائحه الكافور .. حين ذهب لتوديعك عروس على المغتسل ..
ضممتك .. قبلتك . وانا اشم الطيب يفوح منك ...
لا اعلم ما الذي حصل لي في تلك اللحظة ولكن كنت اعلم ان حملا كبيرا وقع على عاتقي ..
كنت اعلم ان في هذه الحظة توقفت الساعه ولم اعد اريد البقاء اكثر ..
كنت اود ان اكفن واوضع قربك وادفن معك في قبرك ..
كنت ابكي لكن لم اكن في وعيي ذلك الحين
اعرف اني كنت مقصره في حقــكِ دائما
واعرف ان قلبك الطيب لا يعرف الغضب او الزعل علي
اعلم ان خربشاتي مجرد خربشات ... واود ان اكتب اكثر .. لكن قواي قد نفذت وعيني تعبت من البكاء
احبكِ غاليتي ..
ابنتكِ
المــاسه ..
23 August افعالي هاليومين
بسم الله الرحمن الرحيم
السلام عليكم ورحمة
شخباركم .. شمسوين .. شلونكم اصفر اخضر .. او ازرق ..
ان شاء الله تمام يا رب ..
 المهم شنو سويت هاليومين .. بإختصار موجز ..ستوافيكم فطومي بآخر الاخبار ..امس الي اهو كان الثلاثاء ..كنت صايمه >> علشان اختفي مره وحده بعد
المهم صحيت الصبح قصدي الظهر الساعه 1 وشي وصليت صلاة الظهر وقابلت ربي ..وفورا على النت .. ييت وقعدت طفشانه حدي وخاصه ان العطله جريب وبتخلص ..المهم دخلت توأم روحي .. وقعدت اكلمها لين المغرب .. وقريب الاذان قمت وسبحت وصليت وفطرت لي على احم احم قيماته وحده الي يسمونه لقمة القاضي خخخخخ
وشربت لي ماي .. عاد عمتي مسويته لي القميات واكلوه اخواني وبناتها كأن هم الصايمين .. وانتظرتهم
 لين يتعشون وتعشيت معاهم وكليت 2 شندويش يعني عشى وفطور وسحور . وهي صورة للقيمات " لقمة القاضي " بس قيمات عمتو احلى اممم
 وقمت لبست عبايتي ورحت بيت عمتي لاختي يقوني .. تربيها عمتي بعد ما توفت الماما ..
المهم رجعت وقعدت على النت لساعه 12 وقمت رحت على السرير وما نمت الا الساعه 1
يوم ثاني الي اهو اليوم صحيت الساعه 4 صليت .. ورحت بنام ابغي انام صارت الساعه خمس وست ولا نمت والله هذي
مو حاله .. قمت وييت على النت .. قلت يمكن وحده من ربعي قاعده .. بقعد اسولف معاها ..الا كلهم نايمين البط .
يسهرون في الليل وينامون الصبح
بعد شوي ما شفت الا حسين اخوي طالع من حجرة ابوي وحامل معاه لغطى ماله بروح غرفتي ينام لان يخاف وابوي راح الدوام لان .. من الي في البيت ما يخاف اصلا غيري.. اخواني كلهم في غرفه وحده ينامون خخخخخخ
 هذي صورة لحسين اخوي في حفل التخرج للروضه >> احم احم رزه
عقب طلعت ودوع اختي من غرفه ابوي بعد ويابت الكرسي بتقعد وياي على النت .. وقمت طفيت النت ورحت يمكن انام او شي ..
 هذي اهي ودوعي ..تسلملي هالضحكه والله
 وهذي صورة ثانيه .. بعد عمري اختي
المهم رحنا ولما صارت الساعه عشر نمت >> الناس تقعد وانا انام
وبعدين صحيت الساعه 12 وصليت ومره ثانيه على النت .. لين المغرب وهذي سالفتي كل يوم ..
يؤ كأني مصختها خخخخ >> صج بطه
يالله سلملم ..
اهتمو بعيالكم .. وسلمو على الماما والبابا
لموسه
9 August !¦»::..سِتْ الْحَبَايِبْ..::«¦!السلام عليكم ورحمة الله ..
شخباركم .. ان شاء الله تمام .. >> اكيد تمام
المهم آنه اليوم ظليت اشتغل على شي ..
شنو هالشي >> تبون تعرفون ..
اوكي انتو بس تامرون ..
واهو خاص لكل الامهات .. وان شا ء الله يعجبكم .. وتنورونا بوجودكم ..
•·.·°¯`·.·• (شعاري) •·.·°¯`·.·• بحرينيه وكلي فخر .. وديني وفخري أحلى سماتي .. ما هو غرور ولا تكبر .. لكن العز هو أصلي وذاتي .. شعاري يعلى علي مدى الدهر .. لا إله إلا الله تملأ حياتي .. محمد رسول الله أشرف البشر .. والإسلام ديني حتى مماتي ..
لموسه
8 August آهـــاتــي  السلام عليكم ورحمة الله ..
شخباركم شباب وصبايا اتمنى تكونون بخير يا رب ..
اليوم انا حالتي مب اوكي .. ومن امس معتفس حالي ...
خبركم امي صار لها شهرين من توفت .. وحياتي صايره كلها دموع وحزن وهم والم ..
ومن امس معتفسه حدي .. ومن رجعت من بيت عمي واليوم هم سافرو ..
تذكرت امي كل سنه نسافر معاها ايران معاهم ..
والسنه اهي مب ويانا .. ما تمنى اني اسافر بس تمنيت تكون معانا على طول ولا تفارقنا ..
تعرفون شلون الواحد لين يفقد روحه .. مثلي انا يوم فقدت امي .. فقدت روحي ..
احس ان حياتي انتهت .. وللحين مب قادره استوعب الموضوع ..
احس روحي تعبانه وبموت من امس ..وكله صياح وبجي ودموع .. حالتي حاله ..
مب قادره اتحمل اكثر من جذي ..
وبعد اقول الحمدلله على كل حال ..
صدقوني قاعده اكتب ولا حاسه بروحي شنو اكتب ..
الي فاقد امه اكيد بحس احساسي . وخاصه ان امي كانت كل حياتي ..
اقول لها كل الي في قلبي ..
وفجأه بسبب مرض لعين غابت عني .. واهي الي كنت اتمنى تكون معاي في كل لحظة ..
تصوروا قبل لا تسافر للعلاج ..ضمتني وقالت لي ان شاء الله ارجع واعرسج وافرح فيج وبعد 3 اشهر راحت عني ..
كانت تحلم باللحظة الي اتخرج فيها .. وما بتكون موجوده معاي لين اتخرج ..
شنو تبوني اسوي لي تذكرتها في كل مكان ..
يمكن ضايقت عليكم بهالكلام ..
لكن كنت محتاجه اخفف عن قلبي شوي ..
الحين حبايبي بترك لكم هالصفحه .. تكتبون فيها اي شي عن امكم ..
شعر .. تصاميم .. وعلى كيف كيفكم ..
المهم تنورونا بأفكاركم الحلوه ..
وآنه من يصير في قلبي شي بجي اكتبه اهني .. ونسمع بعضنا ..
وما رح انسى حتى عن الاب تقدرون تكتبون . .
 •·.·°¯`·.·• (شعاري) •·.·°¯`·.·•
بحرينيه وكلي فخر .. وديني وفخري أحلى سماتي .. ما هو غرور ولا تكبر .. لكن العز هو أصلي وذاتي .. شعاري يعلى علي مدى الدهر .. لا إله إلا الله تملأ حياتي .. محمد رسول الله أشرف البشر .. والإسلام ديني حتى مماتي ..
لموسه
7 August !~¤§¦ فـي زمـن الهذيان ¦§¤~! في زمن الهذيان
التقيتك ذات مساء صيفي .. كنت نجماً بل قمراً أضاءت سمائي .. ولكني لم أجعلك في دائرة اهتمامي . ولم أرسمك كلمة أو حرفاً ..
تحدثت أنت .. بثثت همومك .. وكأنك طفل يشكو من أخذوا منه لعبته المفضلة .. وكنت أنا ذلك الصدر الذي تعود أن يداوي من إليه شكى .. ولم اعلم أنى حينما كنت اخفف أحزانك .. كنت أنسبحك في شراييني وأوردتي .. وشكلتك في حدقت عيني .. وعندما رحلت .. غابت كلماتك ولكن بقي شيئاً منك هنا .؟! لا بل بقيت أنت .. كما أنت . اسمك . كلماتك . .. تسللت إلى كلي .. إلى أعماقي .. أصبحت أراك ولا أراك .. أعرفك ولا أعرفك .. من تكن أيها الغريب ..؟! ماذا أردت ؟ هل تعلم أني أحببتك ؟ بل عشتك وأعيشك في كل لحظة …؟ فهل تجيب وتعود لتقول لي .. إما انتظري فأنا لك .. أو كنت سحابة صيف .. عطاءها يمتد حتى وإن رحلت .. وصدقني .. سأرضى بأيهما اخترت ؟! المهم تجيب ..  •·.·°¯`·.·• (شعاري) •·.·°¯`·.·•
بحرينيه وكلي فخر .. وديني وفخري أحلى سماتي .. ما هو غرور ولا تكبر .. لكن العز هو أصلي وذاتي .. شعاري يعلى علي مدى الدهر .. لا إله إلا الله تملأ حياتي .. محمد رسول الله أشرف البشر .. والإسلام ديني حتى مماتي ..
لموسه
3 August ¤*~ˆ° نسيت العنوان °ˆ~*¤  سلامو .. سلملم .. سلام ..
شخباركم .. شمسوين ..
عارفه ان العطله ممله ..
مب شوي الا واايد ..
 ودامنا كل سنه نسافر .. السنه قعدتنا في البيت ..ولازم بجي يوم وبطفش من هالبيت .. ومن هالجدران الأربع ..
قلت دام آنه قاعده .. بونس روحي و بونسكم معاي
 .. طبعا طبعا >> نسيت هذي من يقولها ..
عندي لكم اشياء وايد .. بحطها اول شي
اشفيكم تبون تعرفون بسرعه ..
هذي سياره من المريخ .. بدل ما تمشي تركض
  احم احم .. شوفو هالصور كشووخي مثلكم ..>> لا انتو احلى
      شوفو الدنيا لين صار فيها ريال واحد بس
  انتظرو العدد القادم لـ ـمـ ـو سـ ـه 29 July ◦˚ஐ˚◦ سـ ـ ـجـ ـ ـل حـ ـضـ ـورك◦˚ஐ˚◦
مرحبا بلي يجينا .. هلت الفرحة علينايامرحبا ترحيب ينشر فالاخبـار ترحيب من شاعر تحرك شعوره يامرحبا ترحيب يكتب بالانـوار والنور عم سبيسي مع حظـوره اسمك مثل برق يبشر بالامطـار والقلب بوجودك تزايد سـروره الطيب بين الناس ماهو بمنكور واللي يزور الناس لازم تـزوره هذا محلك وابتدى معك مشـوار على الوفا والطيب تكتب سطوره من الفرح رحبت بك نثر واشعار يامرحبا باللي يشرف حظـوره
 هلا وغلا بيكم بسبيسي المتواضع ..
واتمنى ينال اعجابكم ..
وطبعا اهني نبيكم تسجلون حضوركم ..
وآنه اتشرف بأسمائكم . واتقبل اتقاداتكم .. وآرائكم ..  لـ ـ ـمـ ـ ـو سـ ـ ـة 26 July "(¯`·._.·( سوالف المدرسه )·._.·´¯)" بسمــه تعالى
السلام عليكم ورحمة الله
شخباركم .. شمسوين ؟
طبعا آنه وصديقتي لنا سوالف وايد بالمدرسه ..
وأيام المدرسه ما تنسى طبعا ..
وقررت آنه وتوأم روحي ان نكتب سوالفنا الحلوه ..
علشان تظل ذكرى لنا آنه واهي ..
اول يوم في أيام المدرسه ..
ما كنت اعرف صديقتي وحبيبتي وتوأم روحي ..
المهم كنا نشوف بعض نبستم >> نوزع ابتسامات ههه
ولا كنت بعرف ان بنكون صديقات وخوات جذي ..
وصرنا روحين بجسد واحد ..
ما اقول الا الله يخلي لي زينب ..
ولا يحرمني منها يا رب
" في حصة الكيم "
اول ما دخلت علينا معلمه الكيم قلنا امبيه هذي ما بنعرف لشرحها ولا شي ..
ودخلت وقعدت تشرح لنا وكأن الحصه حصه دين ..
وقعدت تقول لنا عن آدم وحواء ..
وبعدين دخلت في الذرات والعناصر
وآنه اقول شنو دخل هذا في ذام هههههههه ..
وما في الا الضحك قايم في الحصه ..
وكانت دايما تقول طبعا طبعا ..وتخلينا نعيد الشرح الف مره كأننا ببغاء تعيد الكلام ..
وكل شوي تسألنا فاهمين .. نقول احنا فاهمين
وما تطلع المعلمه الا وبطنا يعورنا من الضحك
ومن تصارخ على وحده .. خلاص آنه مااقدر اسكت .. اقعد اضحك لي ما اشبع ههههههههه
" في حصه الجيو "
معلمتنا ما شاء الله عليها تقعد تصارخ واهي تشرح ..
واحنا في سابع نومه .. ولا عاد لما تشغل البروجكتر يحلى لنا الجو .. وحدة او ثنتين الي تشارك في الصف .. والباقي
كلهم نايمين ..او يسولفون واهي تصارخ ويا الصخور الي عندها ..
" في حصة الحاس "
آنه وزينب تفتح الماسنجر بالخش والمعلمه ما تدري .. ومره صادتنا ههههههههه ..
ولا عاد يوم كان النت مسكر واهي خلصت الشرح .. اقول لزينب قولي لها نبي تشغل النت ..
تقول لا انتي قولي .. قلت ليها آنه استحي ..
وبعدين شافتنا الا تقول شنو فيكم تتساسررون .. شنو تبون ..
وقعدنا نضحك وقلنا لها ان نبي نشغل النت ..
وانتظرو المزيد ..
همسة شوق
ونه الاحزان
ღ♥ღ إليكِِ أكتب يا أماه ღ♥ღ بسم الله الرحمن الرحيم
سلامٌ محمل بكل كلمات الحزن والأسى ..
احبتي هذه الصفحه هي الخاصه بأمي
وسوف تضمن اجمل الكلمات بحق والدتي ..
رغم ان الكلمات لا توفي بحقها ..
توفت والدتي في ظهر يوم الخميس في 2|6|2005
 وجــه القمر
إليكٍ اكتب .. ألتمس الرضا .. وأقبل يديكِ التي طالما حملتني
إليكِ اكتب ..التمس الصفح .. وأقبل يديكِ التي آثرت راحتي وتحملت تعب السهر ..
إليكِ اكتب ألأتمس الدعاء وأجمل قطرات دمعكِ الغالي .. التي تساقطت عند مرضي
أماه يا غاليتي .. ان كان للحلم نهايه .. وان كانت الدنيا زوال ..
فحبي لكِ باقٍ ,,قصر العمر او طال
أماه يا وجه القمر .. تفتحت عيناي على وجهكِ الدافئ الذي استجد منه الأمل تلو الأمل
وإن كان للبدرِ ثانٍ فهو انتِ ..
وإن كان للشمس دفئ .. فهو دفئ حنانكِ ..
بقلمي ..
® ° • ° •.¸¸.• ° • ° •.¸¸.• ° • ° ®
صــوت يـصـرخ بكيـاني .. لمـن رحـلـت ..
لتلـك المسـافـرة مابيـن العيـن والأهـداب .. رسـائـل شـوق خـُطـت بـحـروف من نـار .. ولهيـب يـحـرق مهـجتـي .. وريـاح الحـزن المـاضيــة تكـوي أصدائـي .. سيـاط الألـم الخـانـق .. ونـظرة التعـب المهـلك .. وليـل طـويـل لا أطيـق عـلى صبـره .. حكـايـة الألـف ليـلة .. أنتهـت بكلمــة سـاخـطة .. أنتهـت بــأخـر حـرف من سطـور العـذاب .. وصـور الإغتــراب .. حكـايـة وددت لـو قصصـتها لصغـار كـانـوا يلعـبـون .. وددت أسكـات فضـولـهم من نـظـرة حـزن تسـكـن عيناي .. ولكـن .. ذابـت دمـوعـي قبــل أن أسكـت تلك البـراءه .. لأرجـع لأحتضــن أحـزاني .. وأحلـم بغــد يحمـل الأفضــل .. والأصــدق .. لـزمــن كـنت ألـعـب فـيه بين أحضـانـك أمــي .. 25 July |--*¨®¨*--|مسجات |--*¨®¨*--|لا تلمس الجرح خل الجرح واسبابه
الله يخليك ما فيني يكفيني
حتى حبيبي زمان الحب ما جابه
كان آخر انسان متصور يجافيني
يكفيني ان ترك لي شي اشقابه
دفتر قصيد وقلم مسجون بيدي
========
ما يهمني أي شي
حتى لو عمري يفوت
بس خايف وانا حي
اني في قلبك اموت
========
ما ارسلت أبسألك عن الهجران واسبابه
ارسلت اسألك عن جرح حبك وشهو علاجه
========
في خاطري شي ودي اقوله
مدري تصدقني او تقول كذاب
قلبي يحسك دايم الدوم حوله
مع كل دقة يذكرك يا اغلى الاحباب
تدري عليك الروح بالحيل توله
وتدري بعد طيفك عن العين ما غاب
========
ادري اني مقصر
وادري انك عطوف
لو كتبت المشاعر
ما وفتك
ا ل ح ر و ف
========
وين احط فيه ؟
القلب ما يقوى غلاك
العين تعجر عن رضاك
الروح ذابت في هواك
الشمس ما تاصل مداك
البدر يخجل من بهاك
الليل يستأذن مساك
الكون يصغر في لقاك
احترت يا الغالي معاك
========
احس طيفك يلازمني
في كل لحظة يكلمني
حبيبي كيف ايامك ؟
طلبتك بس طمني ========
23 July خربشاتي بسم الله الرحمن الرحيم
سلامٌ ندي .. من الله اهديكم احبتي ..
أهلا وسهلا بكم هنا .. وتمنياتي لكم بقضاء وقتٍ ممتع
كالعصفوره الخارجة من العش خرجت
أبحث عن الحب في وسط الزحام
فغدوت تائهة بين الأنام
في غربة بت فيها احصد الآلام
في لهفة اخذتني الى الأحلام
لم ارى فيها سوى الاوهام
كم كنت ارسم اعمالاً من الخيال
كم كنت اظن الجلوس محال
والآن ..
ليتها ضاعت في اخبار النسيان
ليتها كسرت وهيرت العنوان
ليتها تركتني اعيش بلا عنوان
=======
" الوداع الأخير "
هل تعلم ان الحياة امامي مرت في لحظات؟
وان فراش الموت اعددت منه سنوات؟
وأني فرشت قبري زهورا يانعه وأخرى ذابلات
بسببك لم اطل شيئا مما اردت في هذه الحياة
فما هي ذي انا سكون اقفل عيني لاودع الحياة
|
||||||||||||
|
|
